Ferðin til Bari 12.09.'12

Miðvikudaginn 12.sept fórum við Mia, María og Aurelio í skólann sem við erum að fara í, sem er staðsettur í Trinitapoli, til að hitta skólastjórann og eitthvað. Ég held að þetta sé alveg ágætur skóli, veggirnir eru að vísu aðeins of myntugrænir fyrir minn smekk... En það voru allir mjög fínir og spenntir yfir að fá okkur í skólann. Þannig við töluðum við skólastjórann eða presidente eins og hann er kallaður á ítölsku.
Á leiðinni heim fórum við niður að sjónum, í fjöruborðið, og það var svo fallegt ! Fólk var þar bara að baða sig, enda ekki skrítið, ekki nema 30°C ... Sjórinn var svo tær að ég var ekki að trúa því, ég og Mia stukkum auðvitað útí. Ekki kannski alveg en við óðum alveg upp að hnjám J Við ætlum að fara þarna aftur, fleiri, einhverntíman seinna og taka með okkur sundföt !

Upp úr hádegi fórum við öll (þá meina ég fjölskyldan mín og fjölskyldan hennar Miu) til Bari, sem að er frekar stór borg 80 km austur af San Ferdinando. Þar fórum við í skrítnustu verslunarmiðstöðvum sem að ég hef farið í ! Þetta var eiginlega ekki verslunarmiðstöð, heldur samansafn af húsgagnaverslunum og svona allskonar mat sem unnið er í Puglia, inní risastóru rými, mér var hugsað til Bogans þegar ég sá það.  Puglia er s.s. héraðið sem að ég er í. Þarna fyrir framan voru fullt af svona styttum til sölu, alveg risastórum !  Þarna fengum við að smakka brauð með ólívuolíu og eitthvað sem að ég man ekki alveg hvað er, og þarna voru líka allskonar ostar og vín í boði. Þarna voru líka staflar af kössum með tómötum, ég er ekki að grínast, þeir náðu svona 5 metra uppí loftið !
Foreldrarnir voru alveg rosalega til í að skoða ALLAR eldhúsinnréttingarnar, baðherbergin og sófana þannig við Mia, María og Simone skemmtum okkur við að setjast á öll klósettin, prófa sófana og eitthvað ... Við fengum okkur samt ís ! Ótrúlega góðann gelato J
Loksins fórum við út úr þessu blessaða húsgagnarugli og inní The Palace of Nations, sem er risastórt húsnæði með básum frá ýmsum löndum, en við fundum hvorki Ísland né Finnland. Það var samt sem áður mjög mikið af áhugaverðum hlutum þarna, við stelpurnar misstum okkur pínu yfir eyrnalokkum frá Víetnam og ég keypti mér rosalega fallega útskorið, kínverskt box fyrir trélitina mína, sem ég nota þegar ég er að teikna. Það var líka alveg hellingur af drasli þarna... Við vorum orðin rosalega þreytt þarna uppúr 8 eða 9 um kvöldið, sérstaklega Simone sem hafði vaknað kl.04 til að fara að vinna ...
Þegar að ‚foreldrar‘ okkar voru búin að velta einhverju indversku rúmteppi fram og aftur í u.þ.b. 15 mínútur, þá fórum við loks út úr The Palace of Nations. Við vorum á leiðinni að einhverjum gosbrunni þegar þau eldri sáu forngripabúð sem að þau þurftu að kíkja aðeins á. Við hin fórum bara að þessum gullfallega gosbrunni og fengum okkur sæti á brúninni. Þetta var svona ekta ítalskur gosbrunnur, risastór og með fullt af styttum. Við tókum nokkrar myndir og fórum heim eftir það. Eða það hélt ég, en í staðin fyrir að fara heim þá fórum við öll á veitingastað í Trani. Það var mjög gaman og maturinn var góður. Mér brá samt þvílíkt þegar þjóninn kom með forrétt sem sem var annaðhvort kolkrabbahalar eða smokkfiska dæmi eitthvað... Ég var frekar fegin að þurfa ekki að smakka hann.

Fullt af myndum hér fyrir neðan !

- ABG

Myndir frá Bari 12.09.'12

Myndir frá Bari !

Verið að skoða orðabókina

María, ég, Simone og Mia fyrir framan verslunarmiðstöðina

Fyrir utan búðirnar voru fullt af styttum til sölu 

Frá vinstri: Mia, Nicola, María, Simone, Laura og Antonietta

Aðeins að prófa

Mia alveg að missa sig yfir fallega baðinu :)

mér fannst þetta svo fáránlegt ég varð að taka mynd

Mozzarella dýr ...

Okkur var klikkaðslega heitt þegar hér er komið, og birtist ekki bara þessi æðislega sundlaug ! Sem við máttum því miður ekki stinga okkur útí. Eins og Maríu langaði að gera...

Mia búin að sulla á fína hvíta sófann

nei jók 

5 metra hár stafki af tómötum !

Þessir gaurar voru bara að rölta þarna um og spila 

Frekar þreyttur

Við hjá gosbrunninum 

æðisleg sundlaug sem að ég er að hugsa um að fjárfesta í einhverntímann

Fyrstu dagarnir

Mánudagurinn 10. Sept leið mjög fljótlega. Ég eyddi deginum eiginlega í að koma mér fyrir í herberginu mínu. Mia og María komu með pabba sínum og þær buðu mér að koma með þeim og Simone, kærasta Maríu, út að borða um kvöldið, ásamt vinkonu Maríu og kærastanum hennar. Ég þáði  auðvitað og um kvöldið fór ég heim til þeirra. Mia og María voru að gera sig tilbúnar og á meðan spjölluðum við hin, eða reyndum það, allir tala rosalega lélega ensku hérna ... Mér finnst það í raun ekkert skrítið, því eina tungumálið sem að heyrist hérna er ítalska ! Allt í útvarpi og sjónvarpi er annað hvort talsett eða bara ítalskt. En já, við fórum á veitingastað sem er rétt hjá heimili Maríu og Miu, þær búa rétt hjá torginu, sem er svona miðbærinn eiginlega. Á torginu hittum við vinkonu Maríu sem heitir Palma, og kærastann hennar. Allavega þetta var mjög skemmtilegt kvöld, og þar sem að María og Palma gátu alveg bjargað sér á ensku þá túlkuðu þær samræðurnar fyrir okkur Miu.

Á þriðjudaginn gerðum við ekkert sérstakt nema að um kvöldið þá fór ég til Maríu og Miu. Mia var reyndar úti að hjóla með stóra bróður þeirra, Angelo, þannig ég og María vorum eitthvað að spjalla og fengum okkur að borða. Það er ótrúlegt hvað Ítalir borða mikið, alltaf þegar ég er búin að borða þá er ég spurð hvort að ég vilji ekki örugglega meira ? Ætli maður verði ekki bara að vera ákveðin, það má samt ekki vera svo að maður sé dónalegur. En allavega þegar þau Angelo og Mia voru komin heim þá fór Mia að tala við kærastann sinn á facebook, og Angelo kenndi mér spil á meðan sem heitir scoopa, held ég. Það er alveg frekar auðvelt, en útskýringarnar þvældust aðeins fyrir mér þar sem að þær voru að mestu leyti á ítölsku eða mjög bjagaðari ensku. En þetta var órtúlega gaman. Simone kom stuttu eftir að við byrjuðum að spila og við fórum aðeins að rökræða ágæti ítalska boltans. Ég sagði þeim að sá eini fótboltamaður sem að ég þekkti eitthvað væri Messi, og hann er ekki einu sinni ítalskur. Þeir hlógu bara...

Fyndnar staðreyndir um Ítalíu/Ítala: 

*Strákarnir hérna ganga með hliðartöskur og plokka á sér augabrúnirnar...

*Ítalir eru alveg jafn klikkaður ökumenn og allir halda, og þeir kunna ekki að leggja í stæði

*Ég er bara frekar hávaxin stelpa hérna ! Já ég veit, ítalskar stelpur/ konur eru mjög litlar

*Ítalir drekka mikið af svokallaða acqua minerale, sem bragðast eins og gamalt sódavatn... jukk

Þangað til næst :)

Nokkrar myndir

Hææ !
Ég hef átt í erfiðleikum með að hlaða myndum inná fb hjá mér, og ég veit að sum ykkar voru farin að bíða eftir þeim. Þannig ég ætla að hlaða nokkrum hingað inn :)

Hérna erum við að bíða eftir fluginu okkar til Rómar, á flugellinum í Berlín. Langar að benda á það að Daníel liggur á gólfinu ...

2 af 3 rúmum, mitt var til hægri

Við Salka nýkomnar á hótelið í Róm. Mér leið aðeins betur þegar ég var búin í sturtu. Held að höfuðið á mér hafi varla verið búið að snerta koddan áður en ég sofnaði

               








Hérna erum við að bíða eftir rútu, til að komast til fjölskyldunnar. Frá vinstri: Anni(Finnland), Mia(Finnland), ég, Tamara(Króatía) og síðan
stelpur frá Brasilíu sem að ég náði ekki alveg hvað heita ...    
   

Þegar við fórum til Bari á miðvikudaginn, veit að þetta er léleg mynd,
en allavega frá vinstri þá er María Sofía, ég, Simone og Mia :)
Ég hef eytt mestum tíma mínum með þeim síðan ég kom.

   Á leið í rútuna til fjölskyldunnar, frá vinstri Anni og Mia frá Finnlandi, ég, Tamara frá Króatíu og einhverjar stelpur frá Brasilíu

   Þegar ég opnaði svalahurðina kl.07.30 á laugardagsmorguninn 8.sept


Vona að þetta hafi verið gaman, ætla að reyna að finna út úr þessu á fb
- Auður Björk

Loksins :)

Þá hef ég eitthvað að segja ! Það er búið að vera klikkað að gera síðustu daga og ætli ég byrji ekki bara á byrjuninni.
Aðfaranótt 7.sept vöknuðum við kl.04 og fórum að gera okkur til, því við þurftum að vera mætt kl.06. Þannig þarna vorum við 12 unglingar sem vorum að fara til Ítalíu og foreldrar þeirra. Við þurftum að vísu að bíða svo lengi í röð, til að tékka okkur inn, að við gátum varla hlaupið einn hring í fríhöfninni og fengið okkur að borða, áður en kallað var út í vél. Flugið frá Kef til Berlínar var fínt, allir skiptinemarnir fengu að sitja saman, ja nema tveir, þannig að við gátum spjallað og reynt að sofa á milli.
Þegar við lentum í Berlín, þá byrjaði kafli sem enginn okkar hafði hlakkað rosalega til. 7 klst bið á skítugu GÓLFINU ! Við reyndum samt að vera sniðug og spila Alias og reyna að hafa eitthvað að gera, hlusta á tónlist, reyna að fara á netið, teikna eða spila á fiðlu.

Annars komust við að lokum inní fríhöfnina og gátum fengið okkur smá að borða. Flugið frá Berlín til Rómar var fínt, við flugum svo lágt yfir að við gátum séð ljósin fyrir neðan okkur ! AFS sjálfboðaliðarnir tóku á móti okkur og við fórum með rútu frá flugvellinum að hótelinu sem að við gistum ásamt öllum hinum skiptinemunum. Þegar við komum þangað kl rúmlega 01.30 voru flest okkar ekkert til í að heyra þær fréttir að daginn eftir þyrftum við að vakna kl.07.30 til að byrja dagskrána...
En við fórum á fætur og byrjuðum daginn. Ég eyddi deginum á kynningum sem að var fínt, það var samt skemmtilegast að kynnast öllum krökkunum og já fara í blak þarna í hádeginu. Ég var svo hrikalega spennt að fylgjast með að ég sofnaði í brunastiganum ...

Um kvöldið fórum við öll (500) uppí eitt risastórt tjald þar sem að forseti AFS á Ítalíu, held ég alveg örugglega, var að bjóða okkur formlega inní landið. Eftir það fórum við bara inní herbergi og vorum þar restina af kvöldinu, að nýta síðustu tímana sem við íslensku nemarnir höfðum saman.

Daginn eftir var byrjað á að lemja ótrúlega fast á hurðina hjá mér, Sölku og Soffíu kl.06 ! Þessi gaur var heppinn að fá bara ekki lampann í höfuðið... En greyið hafði ætlað að vera svo góður að vekja Auði Kartrínu sem var í næsta herbergi, svo hún myndi ekki missa af rútunni. Hann ruglaðist bara á Auðum. Kl.13 fór ég af stað í rútu með Miu (Finnland, hún var líka að fara til San Ferdinando) með 2 tíma stoppi á rútustöð að vísu ...

Það var 5 tíma rútuferð framundan svo að við létum bara fara vel um okkur. Allt gekk eins og í sögu og þegar við komum til Ceringola kl.20.30 biðu tvær fjölskyldur eftir okkur og við vorum báðar knúsaðar og kysstar í drasl ! En það er nefnilega þannig að fósturpabbi Miu (Nicholia) og fósturpabbi minn (Aurelio) eru bræður, þannig við frændsystkinin (ég, Mia, Maria Sofia, Simone(kærasti Mariu Sofiu) og Angelo) erum búin að vera mjög mikið saman og eigum eftir að vera það út árið. Við Mia og María erum í sama skóla, á sama ári en ekki í sama bekk J

Hérna fyrir neðan er smá fjölskylutré

Skrifa meira seinna !

Komin til Italiu !

Thad sem èg var nù bùin ad skrifa flott og ytarlegt bolgg thà er èg ì vandraedum med ad koma thvi innì tolvuna sem ad èg hef adgand ad (min er ekki med netsambandi). Thad gekk altt rosalega vel og èg er hja finu fòlki. Thannig ad thvi midur verdid thid ad bìda adeins lengur ... Annars skrifa èg thad bara uppà nytt !
- Audur Bjork

Allt að gerast, bara tveir dagar í brottför !

2 dagar í brottför !
Eftir nokkrar vikur af þaulskipulögðum dögum, mjög mikið af tímatakmörkum og æðislegu kveðjupartýi þá er ég komin til Reykjavíkur og er hjá Ingvari og Ellen. Kom í gær með flugi til þess að eiga meiri tíma með systkinum mínum og ættfólki sem að ég sé minna. Ellen og Ingvar voru náttúrulega búin að græja rosalega fínan mat um kvöldið, þau eru alveg æðislegir gestgjafar ! Ein af bestu vinkonum mínum, Björk, kom frá Vestmannaeyjum í gær til að hitta mig aðeins og gisti með mér hjá Ingvari.
Það er ótrúlegt hvað ég á alveg rosalega gott vinafólk og yndislega fjölskyldu, það sést alveg rosalega vel þegar maður ákveður að flýja landið ...
Annars hef ég rosalega lítið að segja, á morgun förum ég og mamma á einhverskonar ferðafund hjá AFS, og við 12 skiptinemarnir sem erum að fara til Ítalíu, fljúgum út á föstudagsmorguninn 7.sept kl.08.30 ! Við millilendum í Berlín (í nokkrar klst...) áður en að við höldum áfram til Rómar, en þar er áætluð lending kl.23.45. Við verðum örugglega þokkalega þreytt þegar við komum á hótelið til allra hinna AFS nemana. Þá daginn eftir held ég, byrjar 2 daga komunámskeið fyrir okkur 470 skiptinemana. Við hlökkum öll rosalega til að hitta hvort annað, því við erum búin að vera í facebook sambandi síðan einhverntima í mars held ég !
En ég læt vita af mér og ég vona að næsta færsla verði aðeins meira spennandi :)
- Auður Björk